عزيزي المتظاهر

عزيزي المتظاهر
قبل ما تقول محاربة الفساد شوف مين عامل الفساد غير ابوك و خالك و عمك و جارك و ابقى بس يوقفك شرطي المرور وانت عم تحكي مع صاحبتك لا تحط بأيدو المعلوم و ادفع المخالفة
قبل ما تقول حرية روح ابدا بنفسك وعلم ولادك ع الحرية و فرجيني شو... رح يساوو فيك
قبل ما تطالب... بتحرير الجولان روح اخدم عسكرية و حاج تدور ع طرق تتهرب و تفيش
قبل ما تشتكي من الراتب وتقول حرام عندي ولاد في اختراعات كتيرة روح اشتريهن و حاج تبظ ولاد و تقول حرام
قبل ما تشتكي من البطالة روح ادرس و تزكر العلم عنا ببلاش أو تعلم شي صنعة لأنو مانا بسويسرا مشان نعطي رواتب للعاطلين
قبل ما تقول حرية الرأي تعلم تفك الحرف و استقر على رأي واحد
قبل ما تنقد القيادات و تصيرلي فهمان و هاد المحافظ عاجبك و هاد لأ تعلم تقبل نقد العالم لانك لو حطيناك محافظ رح تنهب و تبلع و ما رح تعمل شي للبلد
قبل ما تطلب تغيير قوانين و تحديث و تطوير روح ابدا بنفسك وشوف ها التطوير اللي صار من ورا مظاهراتك ياغبي ولوين وصلت البلد
قبل ما تقول الشغل دائر و الحالة الاقتصادية زفت قوم فتاح بكير و بيكفي تسهر وماتترك محطة تلفزيونية تعتب عليك
قبل ما تقول هلكونا الضرايب شوف حالك اديش عم تنصب و تربح و تزور و ما حدا عم يحاسبك
قبل ما تقول نظام روح لشي محل و وقف بالدور او استنى ختيار يقطع الاشارة بدون ما تتحيون و تزمر
قبل ما تقول حضارة و تطوير طور حالك بالاول واعرف كيف تناقش وتحاور يا ابو حضارة
قبل ما تقول النا مطالب لا تاكل هوا و تبيع صوتك بالانتخابات و تنتخب هالكم نصاب و الكم مجرم كرمال كم ليرة .. و انتخب حدا يوصل صوتك بطريقة حضارية
قبل ما تنقلع تساوي حالك رايح تصلي تزكر شو عملت طول الاسبوع بتكذب و بتنصب و بتستنا الجمعة لتنقلع تصلي ... الله لايغفرلك ولا يسامحك اذا طلعت تعوي مع هالكم كلب
قبل ما تقول الشعب يريد .. انا رح قلك الشعب شو بيريد .....الشعب بيريد تخرسوا لانو ما ضل غير التافهين اللي متلكون يحكم باسم الشعب
ابدا بنفسك عزيزي البطيخ المتظاهر وتذكر “الله لايغير ما بقوم حتى يغيروا ما بأنفسهم” ..خربتو البلد يابهايم وع بتعطو فرصة للعصابات لتسرق وتنهب وتكسر المحلات واستغلو فرصة الانفلات الامني اللي سببتو مظاهراتكون السلمية الله يقطع عمركون وعمر مظاهراتكون
ملينا منكم ومن تفاهتكون لامتى رح تضلوا كلمة بتاخدكون وكلمة بتجيبكم دماء الناس اللي استشهدوا برقبتكم ليوم الدين مع فائق الاحترام والتقدير ياعزيزي المتظاهر
رأي مجموعة من الاصدقاء

بشكرك اخت نور على هيدي الأراء كلها وفعلآ هيدي جامعة لكل شي عما بدور بالبلد من أحداث ومؤامرات
يعني لهيدا الوقت انا ما شفت واحد من هيدول يلي عما يتظاهروا وياكلوا هوا عارف هو ليش عما يتظاهر ولا شو بدوا بالضبط
فعلآ هيدول كلن سرسرية عواطلية ما عندن لا شغل ولا مشغلة خريجون سجون أو مطلوبين أو سكرجية أو حشاشين مجرمين بشوية مصاري عما يشترون وعما ينفذوا كل يلي عما ينطلب منن من دمار وقتل وتخريب
قال بدون حرية أي حرية ليش هيدول يلي عما يقتلوا ويخربوا بعرفوا شوي هي الحرية والله شي مضحك فعلآ
وفعلآ أي أصلاح أو تغير لازم ينطلق من الفرد نفسة ويمتنع من ممارسة كل الأمور السيئة يلي عما يقوم فيها وعلى رأسها أحترام وألتزام القانون يعني يبطل يدفع رشوة لأي موضوظف مشان يمشي أمورا على حساب اي شخص تاني
بتعرفي لو الضرائب عما يدفعها هيدول التجار لكبار لكان أقتصاد البلد غير هيك بس للأسف التاجر لكبير بيهرب من الضرائب وبمساعدة من شي موظف مقابل مبلغ من المال وبتوقع الفاس براس صاحب المحل البسيط ولمعتر والدرويش
صاحب المعامل والمزارع بيدفع فاتورة الكهرباء أقل من الفاتورة يلي بندفعها نحنا هيدا إذا كان عندوا عداد ودفع شي مرة لأنن للأسف القسم الأكبر منن كهربتن سرقة ومين موظف أو عامل بالكهرباء يلي بكون مدبر كل شي مقابل مبلغ صغير من المال
وهدر الماء نفس الشي ببيوتنا بتنقطع المي وعن مسابحن ما بتقطع وهيك الدنيا ماشية وللأسف هيدا الشي يلي يوصلنا لهون وتعال يا فقير ويا غلبان ويا معتر سدد فواتير أصحاب رؤوس الأموال والتجار
ما بدي أحكي كتير بهيدي الأمور لأنوا كلها مكشوفة للجميع وهيدي التركمات هي يلي وصلتنا لهون بس نشكر الله أنوا تفهم ووعي شعبنا كان كتير كبير وقوي وقدرنا نوقف بوجة كل من تأمر على سوريا وشعب سوريا وقائد سوريا وفعلآ متل ما قال رئسنا الغالي بشار الأسد سوريا بخير ............. سوريا بخير