الملعب في الفوعة

كـــــــمــا وعدت أن اكتب عن الملعب مع الصور ها أنا افي بوعدي لكم متمنياً أن تنال الصور أعجابكم

بداية افتتح الملعب في الفوعة منذ شهرين تقربياُ في الجهة الغربية من الفوعة وسمي ملعب الراية وقد قام بافتتاحه
السيد عبدو شريف بجانب (الغربال) وهو مطابق لشروط النظامية وتأتي فرق من جميع البلدات والمدن المجاورة لتلعب فيه مثل معرتمصرين وبنش .....

وأتركم مع الصور

وإنشاء الله سأضيف المزيد من الصور فأرجو أن تعذروني لان الأنترنيت كما تعلمون بطيئ جدا ورفع الصور صعب
نوعا ما

شكراً لك اخي عبدو, اي والله وعدت وفيت عراسي والله .

شكرا كتير للصور على فكرة الملعب ورا بيتنا


شكرا جزيلا

حلوة الفكرة شكراً ونتمنى ان نقيم مبارة قريباً عليه انشاء الله

اول شي انا بدي اشكر عبدو على هذه المشاركة اللطيفة والجميلة

تاني الشي الله يعطيكن العافية

دمتم موفقين

يسلمو يا عبدو انا سمعت بالملعب بس ما كنت متخيلو بس لما شفت الصور سررت بشكل كبير
وعجبتني فكرة انشاء ملعب خاص
ويسلمو مرة تاني

أخ عبدو دائما تفاجأنا بمواضيع جديده ومبتكره
فكره الملعب فكره رائعه بشكرك عالصور كتير
والله يسلم هالأيدين

احلى أبو حبيب يسلمو أيدك عالصور عأبيل صور عرسك

شي حلو كتير والله نيالكن

بجاه الأمام علي عليه السلام تعلى راياتكم وتكتر الأنجازات ونحس نحنا المتغربين انو البلد بخير وفي ناس متل الأخ عبدو شريف عبتعمل شي ينشأشبابنا نشأة سليمة \\\\شكر خاص للشب عبدو ولاتتأخر علينا بالصور الحلوة لبلدنا حتى ترد روحنا ونحنا بالغربة وقت بنشوفها

اول شي لازم نهني الجيل الجديد على هل الرفاهية اللي عايش فيها نحنا كنا نلعب بالحارة وكل ما وقعت الكرة لعند الجيران الله يرحمهم يشقوا الطابة ونرجع نعمل لمة من ابناء حارتنا ونشتري وحدة جديدة الله على هل الزمن

مشكور أخ حسن بس حبيت استفسر عن شغلة .كاتبين ملعب ومنتزه الراية يعني في نشاطات تانية بتوحي انو منتزه (طاولات_ أراكيل _.......الخ أو بس هيك مجرداسم .شكرا مرة تانية أخ ابو علي

شكرا على الصور الحلوة و أنا سمعت بالملعب من شي شهر وقت اللي زارني أهلي على الرياض بس فعلا كنت متمني إني أشوفه و الآن ارتحت
الفكرة حلوة بس الأحلى لو كانت الصالة مغلقة
يمكن كل شيئ له نكهة خاصة لأنه هذا كمان يدعى ملعب بالهواء الطلق.

تحيات لكل الأخوة و خاصة عبدو و الأخ حسن.

شكرا لأهتمامك اخ حسن .أن فكرة اقامة منتزه بجانب الملعب فكرة جيدة خصوصا انه بعيد نوعا ما عن سكن الأهالي ولايسبب ازعاج لأحد وقد رأينا تذمر الأهالي من منتزه مسايا بما سببه من ازعاج عندما كانت تقام فيه حفلات الأعراس وذلك بسبب موقعه بين البيوت السكنية.

بس الظاهر انو المساحة صغيرة شوي

ألف ألف ألف مبروك ..الحقيقة شي رائع ..
مبروك لأهل الفوعة ..وان شاء الله عقبال الملعب المغلق والصالات المغلقة .
المهم يلعبو الشباب .. وفي أرض البلد ..
مشكورين جميعكم .. من صاحب الفكرة ..لمرسل الصورة .. لمؤسس الملعب ..
ومهما كانت النتيجة . استراحة .. وملعب المهم الفكرة .
الله يكلل مساعيكم بالنجاح والتوفيق ان شاء الله .
ما تم حجة للشباب لاعبين كرة القدم .
هي ملعب وفي وما بدو سفر ..
فرجونا همتكم ياشباب .
عقبال الاشتراك بالدوري .