فدى عيونك ياسوريا

هذه زجلية محكية ارتجلتها ، نظرا لعتب بعض الأخوة علي لعدم مشاركتي على الفيس بوك ، ورغم عدم ميولي لهذا الموقع إلا أنني وجدت فيه مكان ملائم لإيصال أفكار معينة ، وفقنا الله وإياكم لنيل رضا الله والوالدين .

فدى عيونك يا سوريا

كتبنا عهدنا بدمنا لاجلك يا سوريا

واحلفنا جباهنا وهاماتنا لغير الله ما نحنيا

يا جيشنا يا بطل ! الله بحماه يحميك

وشعب مؤمن قادر لهالفتنة يمحيا

اضرب بسيفك خلك بالوغى صنديد

اقطع رؤوس الفتن من هالأرض امحيا

هاي الأرض أرض المجد أرض الرجال النحنا منفتخر فيا

سوريا أرض العروبة والمحبة تصون كل من صان

لو صان غصن شجرة تحت فياتها تفيا

أنا من ادلب الخضرا من الرقة من أهل دير الزور

من قلعة الشهبا من كل ضواحيا

أنا من الساحل السوري من جبالو من سهولو

أنا من حمص ومن درعا من الحسكة ونواحيا

أنا من حماة من جبل العرب من جبهة الجولان

أنا من وسط أرض الشام من الغوطة وداريّا

أنا بكل شبر تراب دمي امتزج ياشام

أنا العربي أنا الجندي أنا السوري اللي حيّرت العدى فيّا

أنا اللي ارضعت حب الأرض من لبن أمي

هيهات هالأرض خونا ... أنا بروحي ســـــــــوريا لأفديّا

,,,,,,,,,,,,,,,,,,,,,,,,,,,,,,

مع خالص محبتي - أخيكم أبو هادي

صح لسانك .. اخي ابوهادي ..
هامتنا لغير الله ما نحنيا ..
ستبقى سورية شامخة وعلمها يرفرف في سمائها .. متحدية بوحدة أبنائها ..
بكل أطيافهم ومذاهبهم .. فشعبنا واحد وآلامنا واحدة وأفراحنا واحدة ..
واسمحلي أن أضيف ..
بدموع الحب والقلب الولهان .. لشم ترابك وادخل عبابك سوريا
الأرض بترابها وحجارها الصوان.. بتنادي ولادها في كل فيافيا
نفسنا وولادنا منقدم القربان .. رجال وقت الوغا نحميا
جوها أهل الفتنة كما المردان .. الخيانة فايحة من أفاميا
سوريا الغالية زينة الأوطان .. هيهات هيهات يفرحوا فيا
بهمم رجالنا كما النسوان .. قرآنها وانجيلها سوا فيا
بسأل ربنا بالنبي العدنان .. من كيد حمد وعرعور يحميا
ودم الشهداء في الميزان .. رفعة ونصر لكل أهاليا

تقبل مروري واحترامي .. ابو عمار صوفان

..

موضوع: رد الثلاثاء مايو 08, 2012 1:03 am

أشكرك أخي أبو عمار على هذه الإضافة العفوية الجميلة.
الممزوجة بالصدق .
,,,,,,,,,,,,,,,,,,,,,
حب الوطن مخالط أجزائنا يجري بأحشانا كما يجري الدم
من حين مولدنا رضعنا حبه فعلى حليب الأمهات .. سلّموا

[b]انها زجلية تحاكي حب الوطن الذي رضعناه من حليب أمهاتنا
فحب الوطن يجري في عروقنا وحب بلدتنا الرائعة التي نعمنا بالدفء في أحضانها يسري فينا كما يسري الدم في جسمنا فالسوري رضع الكرامة و عشق الوطن من المهد و أكثر مايعتز به السوري هو الكرامة و حب الوطن وانشاء الله تبقى سوريا شوكة في حلوق أعدائنا و يبقى السوري مرفوع الهامة منتصب القامة
و اشكرك يا أخ عماد و يا أخ ابو عمار على المواضيع و التعليقات الجميلة /b]

» كرمال عيونك