أمثال شعبية سورية

هذه الأمثال على طلب الأخ أبو النور

(........) الرايح كثر ملايح
علمناهم الشحادة، سبقونا على الأبواب

شحاد و مشارط

ضربني و بكى، سبقني و اشتكى

تيتي تيتي، مثل ما رحتي جيتي

با داخل بين البصلة و قشريها، ما بنوبك إلا ريحتها




يلّي ايدو بالمي مو متل يلي ايدو بالنار
يا داخل بين البصلة وقشرتها , ما ينوبك إلا ريحتها
متل الحيّة من تحت التبن
غابت السباع . ولعبت الضباع
طب الجرة على تمها , بتطلع البنت لأمها
تاجرنا بالأكفان , بطّلت الناس تموت
با مسترخص اللحم، عند المرق تندم

1- خذ الاصيلة ونام على الحصيرة

2- يللي بيجرب المجّرب بيكون عئلو مخّرب

3-طول عمرك يا تينة مجعلكة

4-الحية آلت للدودة تضربي على هالآمة الممدودة

5- يآخد الارد على مالو بيروح المال بيصفى الارد على حالو

6-طب الجرة على تما بتطلع البنت لاما

7- عند ملي البطون نايم انطون وعند جلي الصحون نادوا لانطون

8- دق القرفة ولا صباح السلفة

9-كومة حجار ولا هالجار

10-متل السيل بيغدر بالنهار والليل

11-شو ماطبخت العمشى جوزا بتعشى

12- من قلة تدابيره خلطت حنطته مع شعيره

13-طلطميس مابيعرف الجمعة من الخميس

14- لما فرقوا العقول كل واحد عجبوا عقلوا ولما وزعوا الارزاق ماحدا عجبه رزقوا

15- يللي بيلاعب الاط بدوا يتحمل خرميشوا



16-بعدماكانت خادمة صارت في البيت حاكمة



17- مثل الاردة وشاكلة براسها وردة

18-ارعة ومشطها نص ذراع

19- آل ليه غيرانة وحيرانة وعيونو جوا غطسانة

20-قال خطبوها تعززت تركوها تندمت


كول زيت وانطح الحيط
الحكاية مش حكاية رمانة هاي قلوب مليانه
التوم قتال السموم
الخبزة المبلولة دوا المعلولة
ان أوجعك راسك أكرمه وان أوجعك بطنك احرمه
نظف بيتك ما بتعرف مين بيدوسه ونضف خدك ما بتعرف مين يبوسه
كول مع الكافر ولا تاكل مع طويل الأظافر
صار للدباني دكاني وصارتتسكر بعد الظهر
تاجرنا بالأكفان بطلت الناس تموت
عند المصايب بتبان الحبايب
حط العاقل عالمجنون وشوف مين أبنه عليه بيهون
كوم فيران ولا هالجيران
عاشر السبع ولو أكلك ولا تعاشر الندل ولو حملك
دارت الدورة عليكي يا عورة
الحجر اللي ما بيعجبك بيفجك
إن كرهت جارك غير باب دارك
ساير صاحبك يوم وليلة وعريف سجاياه
يا جاي بلا عزيمة يا قليل القيمة
ابو العباية مابنريده وابو الجوخة مابيجينا

في كمان كم مثل :
1- كول توم و انسى الهموم
2- كول بصل و انسى اللي حصل
3- لا تاخد الرفسة الماكنة الا من الحمار الضعيف
4- عصفور باليد احسن من عشرة على الشجرة
5- الارد بعين امو غزال
6- شحاد و مشارط
7- فالج لا تعالج
8- كول مشبك و لا تتلبك

مشكورين ياشباب . شي حلوكتير . واذا سمحتولي رح ضيف كم مثل .
العميان اجاهن صبي . من كتر التلميس قلعولو عيونو ( يقال في سوء التدبير )
بدك العنب ولا قتل الناطور ..
العنزة الجربانة ما بتشرب الا منراس النبع .
العيب بالجيب والشرف عطرف
قال البجي لعنا أهلا وسهلا والقلب الو هزاز , واللي ما بجي لعنا لا اهلا ولا سهلا ولا القلب الو معتاز

الكويسة كويسة من فيقت مناما . والبشعة بشعة من طلعة حماما
مكتر صحابي يوم كان كرمي دبس وما اقل صحابي يوم كرمي يبس
قالو للعاطل صير منيح قلن بصرلي اسمين
الله يسعدو ويبعدو
وسلامتكم طولت عليكم .